Win an MSC cruise for two.

Termini u Kundizzjonijiet

Official Terms & Conditions

Regulated competition wording is reproduced below in the original Maltese supplied for the campaign.

TINSINIX – Irbaħ Cruise tal-MSC għal Tnejn

1. L-Organizzatur u l-permess

Din il-lotterija mhux għall-profitt hija organizzata minn ALS Malta, bl-indirizz reġistrat 60, Triq Pawlu Balzan, Żebbuġ, minn hawn ’il quddiem imsejħa “l-Organizzatur”.

Il-premju qed jingħata bl-appoġġ ta’ MSC Cruises u ROCS Group.

Numru tal-permess allokat: MGA/NPG/352/2026.

Dan il-permess jitqies ikkonfermat biss wara li l-Malta Gaming Authority (“MGA”) tikkonferma li d-dokumentazzjoni u r-rekwiżiti kollha ġew sottomessi u sodisfatti b’mod korrett. Il-bejgħ tal-biljetti ma jibdiex qabel tingħata din il-konferma.

2. Perjodu tal-lotterija

Il-bejgħ tal-biljetti jiftaħ nhar il-Ħadd 30 ta’ Awwissu 2026 f’nofsinhar (12:00) u jagħlaq fl-istess jum fil-23:59.

Kull talba għax-xiri ta’ biljett jew entrata riċevuta wara l-ħin tal-għeluq ma tidħolx fit-tlugħ.

Kull donazzjoni lil ALS Malta jew DAR Bjorn hija kompletament separata minn din il-lotterija. Donazzjoni ma titqiesx bħala xiri ta’ biljett u ma tagħti ebda entrata fit-tlugħ.

3. Min jista’ jipparteċipa

Il-parteċipazzjoni hija miftuħa għal persuni li:

• għandhom 18-il sena jew aktar;
• huma residenti f’Malta jew Għawdex;
• jużaw numru tat-telefon Malti validu u identifikabbli; u
• jikkonformaw ma’ dawn it-Termini u Kundizzjonijiet.

L-impjegati, id-diretturi, il-kuntratturi u l-membri immedjati tal-familja ta’ ALS Malta, DAR Bjorn, MSC Cruises u ROCS Group, kif ukoll kull persuna direttament involuta fl-organizzazzjoni jew fit-tlugħ tal-lotterija, ma jistgħux jipparteċipaw.

4. Kif tipparteċipa u l-prezz tal-biljett

Persuna tista’ tipparteċipa billi tixtri biljett elettroniku għall-prezz ta’ €4.66, permezz tan-numru 5061 8170, matul il-perjodu stabbilit fil-Klawżola 2.

Kull tranżazzjoni valida ta’ €4.66 tagħti:

• biljett elettroniku wieħed; u
• entrata waħda fit-tlugħ.

Parteċipant jista’ jixtri aktar minn biljett wieħed. Kull tranżazzjoni valida addizzjonali ta’ €4.66 tiġi rreġistrata bħala biljett u entrata separata.

5. The prize

Ir-rebbieħ jirbaħ:

• cruise tal-MSC Cruises ta’ sebat iljieli, Malta-to-Malta, għal żewġ adulti;
• akkomodazzjoni għal żewġ adulti li jaqsmu Balcony Cabin;
• full-board dining;
• port taxes and charges; u
• hotel service charges jew gratuities.

Hemm premju wieħed li jingħata lil rebbieħ wieħed.

6. Kundizzjonijiet tal-cruise

Il-cruise għandu:

• jiġi bbukkjat sa 30 ta’ Settembru 2026;
• jintgħażel minn departures eliġibbli Malta-to-Malta ta’ mhux aktar minn sebat iljieli;
• ikun suġġett għad-disponibbiltà fil-ħin tal-booking; u
• jintuża miż-żewġ adulti fuq l-istess booking u fl-istess kabina.

The prize ma japplikax għal departures matul:

• Lulju jew Awwissu;
• il-perjodu tal-Milied;
• l-Ewwel tas-Sena; jew
• l-Għid.

Sakemm ma jiġix iddikjarat mod ieħor bil-miktub, il-premju ma jinkludix:

• xorb jew drinks packages;
• excursions;
• trasport jew transfers;
• titjiriet;
• parking;
• travel insurance;
• internet jew Wi-Fi packages;
• dining jew servizzi bi ħlas addizzjonali;
• spejjeż personali;
• passaporti, visas jew dokumenti tal-ivvjaġġar; jew
• spejjeż mediċi.

Ir-rebbieħ u l-persuna li takkumpanjah huma responsabbli biex ikollhom id-dokumenti, l-assigurazzjoni u l-kundizzjonijiet mediċi kollha meħtieġa biex jivvjaġġaw.

Il-kundizzjonijiet normali ta’ booking u trasport ta’ MSC Cruises japplikaw.

7. Valur u trasferiment tal-premju

The prize:

• ma jistax jinbidel fi flus;
• ma jistax jinbiegħ jew jiġi rkantat;
• ma jistax jiġi trasferit mingħajr l-approvazzjoni bil-miktub tal-Organizzatur, MSC Cruises u ROCS Group; u
• għandu jintuża fit-terminu stabbilit.

Jekk parti mill-premju ma tintużax, ma jingħata ebda kumpens jew rifużjoni.

8. Lista tal-parteċipanti u t-tlugħ

Wara l-għeluq tal-bejgħ tal-biljetti, l-Organizzatur jipprepara lista finali tal-biljetti validi kollha fuq Microsoft Excel.

Kull biljett validu jitniżżel bħala entrata separata fil-lista u jingħata numru ta’ referenza uniku. Jekk persuna tkun xtrat aktar minn biljett wieħed, kull biljett jidher bħala entrata separata.

Wara li l-lista tiġi ċċekkjata u ffinalizzata, it-tlugħ isir online nhar it-Tnejn 31 ta’ Awwissu 2026, permezz ta’ Random.org.

Il-lista tal-entrati tiġi randomizzata permezz ta’ Random.org. Iż-żewġ entrati li jitilgħu fl-ewwel żewġ pożizzjonijiet jitqiesu, fl-ordni li ġejja:

1. l-ewwel entrata tkun ir-rebbieħ proviżorju; u
2. it-tieni entrata tkun ir-riserva.

Għaldaqstant, isir tlugħ għal rebbieħ wieħed u riserva waħda.

L-Organizzatur iżomm kopja tal-lista Excel u evidenza tar-riżultat iġġenerat minn Random.org, inklużi d-data u l-ħin tat-tlugħ, bħala parti mir-rekords uffiċjali tal-lotterija.

Ir-riżultat jibqa’ proviżorju sakemm jiġu vverifikati l-eliġibbiltà u d-dettalji tar-rebbieħ.

9. Kuntatt mar-rebbieħ u mar-riserva

Ir-rebbieħ proviżorju jiġi kkuntattjat fuq in-numru tat-telefon użat għax-xiri tal-biljett magħżul.

L-Organizzatur jagħmel sa tliet tentattivi biex jikkuntattja lir-rebbieħ matul perjodu ta’ 48 siegħa.

Ir-rebbieħ jista’ jintalab jipprovdi:

• ismu u kunjomu;
• kopja ta’ dokument ta’ identifikazzjoni;
• prova tal-età u tar-residenza;
• prova li huwa l-utent awtorizzat tan-numru tat-telefon; u
• kwalunkwe informazzjoni meħtieġa għall-booking tal-cruise.

Jekk ir-rebbieħ:

• ma jkunx jista’ jiġi kkuntattjat fi żmien 48 siegħa;
• ma jkunx eliġibbli;
• jirrifjuta l-premju; jew
• ma jipprovdix l-informazzjoni mitluba,

huwa jiġi skwalifikat u l-premju jiġi offrut lir-riserva magħżula waqt it-tlugħ, suġġett għall-istess verifiki u kundizzjonijiet.

Ma jsirx tlugħ ġdid sakemm dan ma jkunx awtorizzat jew mitlub mill-MGA. Jekk anki r-riserva ma tkunx eliġibbli jew ma tkunx tista’ taċċetta l-premju, l-Organizzatur jitlob direzzjoni mingħand l-MGA.

10. Pubblikazzjoni tar-rebbieħ

Isem ir-rebbieħ jista’ jitħabbar waqt il-Maratona TINSINIX, fuq il-websajt u fuq il-paġni uffiċjali tal-midja soċjali ta’ ALS Malta u DAR Bjorn.

Id-dettalji tar-riserva ma jiġux ippubblikati sakemm ir-riserva ma ssirx ir-rebbieħ uffiċjali.

Kwalunkwe ritratt, filmat jew intervista promozzjonali tar-rebbieħ jeħtieġ kunsens separat fejn dan ikun meħtieġ.

11. Problemi tekniċi

L-Organizzatur mhuwiex responsabbli għal tranżazzjonijiet, telefonati jew entrati li ma jaslux jew ma jiġux irreġistrati b’suċċess minħabba:

• problemi tan-network;
• nuqqas ta’ credit;
• phone barring;
• roaming;
• handset incompatibility;
• dewmien tekniku; jew
• żball tal-operatur tat-telekomunikazzjoni.

Prova li saret telefonata jew tentattiv ta’ tranżazzjoni mhijiex neċessarjament prova li l-biljett inxtara, ġie ċċarġjat u rreġistrat b’suċċess.

12. Tibdil fil-premju, emendi jew kanċellazzjoni

L-Organizzatur jista’ jemenda, jissospendi jew jikkanċella l-lotterija biss meta jkun hemm raġuni serja, obbligu legali, ordni regolatorja jew ċirkustanza lil hinn mill-kontroll raġonevoli tiegħu, u suġġett għall-approvazzjoni tal-MGA fejn din tkun meħtieġa.

Jekk, minħabba ċirkustanzi eċċezzjonali, il-premju oriġinali jkollu jinbidel, il-premju alternattiv:

• għandu jkun ta’ natura u valur komparabbli; u
• ma jistax ikun ta’ valur aktar minn 10% inqas mill-valur tal-premju oriġinali.

Dan ifisser li l-premju alternattiv għandu jkollu valur ta’ mill-inqas 90% tal-valur tal-premju oriġinali, sakemm ma jkunx hemm direzzjoni jew approvazzjoni oħra bil-miktub mill-MGA.

Kull tibdil materjali jitħabbar permezz tal-kanali uffiċjali ta’ ALS Malta u DAR Bjorn.

13. Aċċettazzjoni tat-Termini u Kundizzjonijiet

Bil-parteċipazzjoni, il-parteċipant jikkonferma li qara, fehem u aċċetta dawn it-Termini u Kundizzjonijiet.

Id-deċiżjonijiet tal-Organizzatur dwar l-amministrazzjoni tal-lotterija huma finali, mingħajr preġudizzju għad-drittijiet legali tal-parteċipanti u għas-setgħat tal-MGA.

14. Liġi applikabbli

Dawn it-Termini u Kundizzjonijiet huma regolati mil-liġijiet ta’ Malta u mill-kundizzjonijiet tal-permess MGA/NPG/352/2026.

Kwalunkwe tilwima tkun suġġetta għall-ġurisdizzjoni tal-qrati Maltin u għall-kompetenza tal-awtoritajiet regolatorji applikabbli.

F’każ ta’ kunflitt bejn dawn it-Termini u Kundizzjonijiet, il-liġi applikabbli u l-kundizzjonijiet tal-permess tal-MGA, jipprevalu l-liġi u l-kundizzjonijiet tal-permess.